Nagsalita Ang Dios

Basahin: Genesis 1:1–4 | Para mabasa ang Biblia sa loob ng isang taon: Isaias 50-52; 1 Tesalonica 5

Sinabi ng Dios: “Magkaroon ng liwanag!” At nagkaroon nga. – Genesis 1:3 MBB

Taong 1876, sinabi ni Alexander Graham Bell ang kauna- unahang mga salita gamit ang telepono. Tinawagan niya si Thomas Watson: “Watson, pumunta ka dito. Gusto kitang makita.” Medyo paputol-putol at ‘di masyadong malinaw pero naintindihan ni Watson ang sinabi ni Bell. At ito na nga ang naging hudyat ng bagong bukang-liwayway sa komunikasyon ng mga tao.

Nadagdag ang bukang-liwayway ng unang araw sa mundong “walang hugis o anyo” (Genesis 1:2 MBB) nang binigkas ng Dios ang mga unang salita Niyang nakatala sa Biblia: “Magkaroon ng Liwanag” (Tal. 3). Puno ng kapangyarihang makapanlikha ang mga salitang ito. Nagsalita Siya, at nalikha kung ano ang sinabi Niya (Salmo 33:6, 9) . Sinabi ng Dios, “Magkaroon ng liwanag,” at nagkaroon nga.

Kapuri-puri Ka, Manlilikha ng Liwanag.

Agad-agad ang tagumpay ng mga salita Niya – napalitan ng liwanag at kaayusan ang dilim at kaguluhan ng mundo. Liwanag ang sagot ng Dios sa pangingibabaw ng kadiliman. At nang nilikha Niya ang liwanag, “nasiyahan ang Dios nang ito’y mamasdan” (Genesis 1:4 MBB).

Patuloy na nagiging makapangyarihan ang mga unang salita ng Dios sa mga sumasampalataya kay Jesus. Sa araw-araw na bukang-liwayway, tila inuulit sa atin ng Dios ang mga salita Niya para sa buhay natin. Kapag sumuko na ang dilim sa ningning ng liwanag Niya, purihin natin Siya. Alalahanin nating tinawag Niya tayo at tunay na nakikita Niya tayo.

Paano mo ipagdiriwang ang pag-ibig at

katapatan ng Dios kapag

nagbukang-liwayway na?

Paano nakakatulong sa’yo ang liwanag ng Dios?

Kapuri-puri Ka, Manlilikha ng Liwanag. Tinataboy Mo ang kadiliman ng mundo at binubuksan Mo ang mga mata ko para makita ang pagkilos Mo sa buhay ko.

Isinulat ni Marvin Williams