Taos-pusong Pagbibigay

Basahin: Leviticus 19:9–10 | Para mabasa ang Biblia sa loob ng isang taon: 1 Cronica 22–24; Juan 8:28–59

Huwag ninyong pipitasing lahat ang bunga ng ubasan ni pupulutin man ang mga nalaglag, bayaan na ninyo iyon para sa mahihirap at mga dayuhan. – Leviticus 19:10 MBB

Nagsilbi kay Reyna Victoria si Heneral Charles Gordon (1833-1885) sa China at sa ibang lugar, pero kapag nasa Inglatera siya, ipinamimigay niya ang 90 porsyento ng sweldo niya.

Nang narinig niya ang taggutom sa Lancashire, tinanggal niya ang sulat sa medalyang purong ginto na bigay ng isang pinuno ng ibang bansa. Pinadala niya ito para tunawin at gamitin ang perang makukuha pambili ng tinapay para sa mahihirap. Isinulat niya sa talaarawan niya: “Ibinigay ko na sa Panginoong Jesus ang huling makamundong gamit na mahalaga sa akin.”

Mapagbigay na Ama, salamat sa pagsugo Mo kay Jesus para mamuhay tulad namin at mamatay para sa amin.

Marahil labis sa kakayahan nating magbigay ang pagiging mapagbigay ni Heneral Gordon pero gusto ng Dios na tulungan natin ang mga nangangailangan. Sa ilang batas na binigay Niya sa pamamagitan ni Moises, inutusan ng Dios ang mga tao na huwag anihin ang buong ani. Sa halip, kapag aani sa ubasan, sinabi Niyang iwan ang nalaglag “para sa mahirap at dayuhan” (Leviticus 19:10). Gusto ng Dios na tulungan natin ang mga nangangailangan sa ating tabi.

Puwede tayong humingi ng tulong sa Dios para mas lalong gustuhing maging mapagbigay at maging malikhain sa pagtulong. Gusto Niya tayong tulungang ipakita ang pag-ibig Niya sa iba.

Paano ka puwedeng makatulong ngayon?

Isinulat ni Amy Boucher Pye